Ururka Uswo oo kamid ah ururada ka shaqeeya arimaha samafalka iyo bulsha weynta la hayb_sooco ayaa waxaa shalay oo taariikhdu ku beegneyd 05/09/09 ku soo bandhigey Hotel Ambassador ee magaalada hargeisa bandhig faneed uu kaga wacyi galinaayo halista iyo aafooyinka kala duwan ee ay leeyihiin Takoorka iyo tahriibta,

Munaasibadan oo si heer qaran ah loo soo agaasimey isla markaana ay maalgalisay haayada I O M ayaa waxaa uugu horeytiiba ka hadley gudoomiyaha ururka Uswo mudane: C/laahi Hassan Digaale waxaanu gudoomiyuhu ugu horeyntiiba mahadnaq u jeediyey dhamaan qeybihii kala duwanaa ee mataalayey bulshada, Culimada, haayadaha, dawlada, axsaabta, dhalinyarada, iyo sidoo kale Aqoonyahanka, mahadnaqaas kadib waxaa uu gudoomiyuhu faaf faahin aad u balaadhan ka bixiyey waxaa is galiyey Takoorka iyo tahriibta isagoo sheegay labadooduba iney saameyn aad u liidata ku reebaan quluubta bulshada waxaana jira buu yidhi meelo badan oo ay iska shabahaan takoorka iyo tahriibta waxaana kamid ah:

1: Naxdin

2: Quus

3: Rajo xumo

4: xaqiraad

Iyadoo haddaba tusaalayaal aad u badan oo dadka indhahooda iyo quluubtoodaba soo jiitey ka sheegay gudoomiyuhu madasha bandhig faneedka ayaa waxaa hadalka gudoomiyaha kadib iyaguna ka hadley masuuliyiinta haayada I O M oo sheegay sababta ay u maalgaliyeen mashruucan waxaaney sidoo kale balan qaadeen iney ka sameyn doonaan Film Documentry ah

Waxaa ugu danbeyntii halkaas lagu soo bandhigey Riwaayad aad u qiimo badney oo dadkii ku reebtay qoomamo iyo ciil iyadoo dadka qaar halkaas ka ilmeeyeen dhibaatada haysata dadka iyo waxaa ruwaayadu ka turjumeyso markay isla eegeen.

Dhinaca kale ayaa waxaa lagu wadaa in riwaayadan lagu soo badhigo dhamaan lixda gobol ee dalka somaliland

Si kastaba ha ahaate waa markii uugu horeysay ee riwaayad noocan oo kale ah lagu soo bandhigo somaliland. 

Dulmane Hargeisa Office:

Barkhad jama hirsi

Email: Midgaanyare@hotmail.com