kutubtii Ardayda Dhigata madarasada

Xildhibaan ka tirsan Barlamanka S/land oo Afar boqolo Kitaab u Qeybiyey Ardeyda Madaariska QUBA Madaariska Quba oo ah Madaariska 1aad ee sida xooga ah wax uuga bartaan dhalinyarada Beelaha Gabooye ayaa waxaa maalinba maalinta ka danbeysa ku soo qulqulaaya Madaxda kala duwan ee dalka iyadoo Hurumar aad I fiican ay samey nayaan Madaariskaasi sida waxbarasho tayo leh islamarkaasna Bilaash ah barxado aad u qiimo iyo qurux badan oo ay indhahaagu ku doogsanayaan iyo Ardey shacni iyo wanaag ka muuqdo.

Haddaba waxaa kutub tiradoodu gaadheyso 400 oo kitaab u qeybiyey Ardeyda Agoonta iyo danyerta isugu jirta ee Madarasada Quba, Xildhibaan ka tirsan Baarlamanka S/land,  Xildhibaankan oo laga soo doortay Gobolka Saaxil magaciisana la idhaahdo Aadan Xaaji Diiriye kana soo baxay Xisbiga UDUB ee talada haya ayaa waxaa uu ka soo qeybgalay xaflad aad u balaadhan oo loo sameyey Munaasibada qeybinta kutubtaas.

Ugu horeynba waxaa halkaas ka Hadley Maamulaha Madaariska Mudane: Najax Xussein
Xariir oo si kooban uuga waramey marxaladihii Madaarisku soo mareen iyo xaga ay manta marayaan isagoo bartaana uugu mahadnaqey cid kasta oo gacan ka geysatay Abaabulkii lagu dhisay Madaariska iyo hurumarinta Madaariska.

Waxaa isna sidoo kale hadal aad u qiimo badan oo ay ladhaceen dadkii ka soo qeybgalay xafladaasi halkaas ka soo jeediyey Gudoomiyaha Ururka Quba Welfare Org  Mudane: Maxamed Mouse Nour (Abu sufyaan) Waxaanu Abu sufyaan ka Hadley Arimaha Quudhsiga iyo kaalimaha ay kaga jiraan Nolosha Somaliyeed Beelaha Gabooye isagoo ku amaaney Farshaxanimadooda iyo xadaaradahooda kala duwan sida Luuqadooda ee la idhaahdo buu idhi Baaqdanka.

Ugu danbeyntiina waxaa uu kula dardaarmey in ay Beelaha Gabooye ka baxaan jeelka bilaa askariga ah ogaadaana in Gabooye  Madaxweyne noqon karo, aqbalina in laga sareeyo quusna ayna muujin waayo quusta laftirkeeda jab ahbuu yidhi.

Waxaa uugu danbeyntii hadalka soo xidhay Xildhibaan Aadam iyadoo xildhibaanka kahona ay halkaas ka hadleen waalidiin Sallaadiin/Odayaal Aqoonyahano iyo waliba qaar kamid ah ardeyda.

Waxaanu xildhibaanku ugu horeynba habalyeeyey wanaaga iyo quruxda ay dhalinyarada wadaadada ahi ku soo kordhiyeen xaafada Daami iyadoobuu yidhi xildhibaankuu Beelaha Gabooye qani ku ahaayeen Fankii Somaliyeed maanta waa wax
lagu farxo in la helo Dhalinyaro aad codkoodu kuu yaab iyo cayabba galinaayo waayo waxyaaba Alle sw ku galadeystay Beelaha Gabooye waxaa ka mid ah Sowdka waxaanu ugu danbeyntii xildhibaanku xalkaas ku gudoonsiiyey kutubtii iyo jaa'isado kale Ardeydii Madaariska,

Haddaba Su,aasha isweydiinta Mudani waxa ay tahay Akhriste Guusha Obama tusaale ma u noqon kartaa inuu Midgaan Madaxweyne noqdo?
Jawaabteeda waxaan uugu tagayaa Akhristayaasha Dulmane Online