W/kuxigeenka cafimaadka S/Land mr. Buuri Ardayada Xamda uldaanada Beesha gaboore uldaan daakir Xassan Khalif Waalidiintii Caruurta Iskuulka dhigata @ wasiirkoodii Gogaamiyaashii beesha & waalidiintii  Beesha

Xaflada aad u qiimo badan oo lagu qabtey Madaariska Quba ee beelaha gabooye kuna yaala Magaalada Hargeysa ee xaafada Daami ayaa waxaa ka soo qeyb galay Madaxda kala duwan ee Beelaha Gabooye sida Sallaadiinta, Siyaasiyiinta, Aqoonyahanada, iyo dhamaan qeybahaha kala duwan ee Bulshada.

Ugu horeyba waxaa halkaas ka hadley Maamulka Madaariskaas Mudane: Najax Xussien Xariir waxaanu warbixin aad u qiimo badan ka bixiyey habsami u socodka  Madaariska waxaanu uugu bishaareeyey dhamaanba Bulsho weynta Beelaha Gabooye meelkasta oo ay ka joogaan Caalamka in maanta wixii laga bilaabo Madarasaduhu yihiin Bilaash, iyadoobuu yidhi tirada ardeyduna tahay 700 todoba boqol oo ardey.

Waxaa sidoo kale isna hadal farxad quruxiba ku dheehan tahay ka soo jeediyey madasha Xaflada Suldaan Naasir Suldaan C/Raxmaan waxaanu Suldaanku mahadnaq u soo jeediyey Maamulka iyo ardeyda waxbaraneysa isagoo Suldaanku Carabka ku adkeeyey Nabad galyada iyo wada noolaanshaha hadana hadalkiisu waxaa uu ahaa mid ku saleysan in la isbarbar istaago wanaaga iyo waaga cusub ee u dilaacay dhamaanba Beelaha Gabooye gaar ahaana kuwa reer Hargeysa.

Ugu danbeyntii waxaa soo xidhay Xafladaas Wasiir ku xigeenka wasaarada caafimaadka Mudane: Mahdi Osman A/laahi Buuri waxaanu ku bilaabey hadalkiisa sallaan iyo mahadnaq uu u soo jeediyey Maamulka Madaariska iyo shacbiga ka soo qeybgalay Xaflada, waxaa uu wasiirku aad iyo aad uugu nuux nuuxsaday shacniga iyo wanaaga ka muuqda ardeyda iyo sida uu mustaqbalkoodu u yahay mid aad u cad waxaanu kala dardaarmey iney waxbarashadooda wataan oo aaney ka caajisin waxaanu ku dhiiryey waalidiinta iney ka faa,ideystaan fursadaas qaaliga ah ee waxbarashada bilaashka ay tahay waayo buu yidhi waxbarashadu waa sheyga kaliya ee ay dadku ku kala tagaan, waxaanu aad uul hadley beelaha gabooye iney hiil iyo hooba la barbar istaagaan cadceedan bidhaameysa, uugu danbeyntiina waxaa uu ku dhiiri galiyey shacbigu iney ka faa,ideystaan diwaangalinta ka socota dalka Amnigana qeybtooda ka qaataan Dawladana waxaa uu u soo jeediyey iney u dhisaan xaafada Wadooyin iyo dhamaan Social Serviceka ay helaan bulshooyinka kale, sida Caafimaadka iyo daryeelka Bulshada. 

waxaa uu hadaba Wasiirku qadasho sharaf uugu sameeyey Hotel Hadhwanaag dhamaanba waxgaradka beelaha gabooye: 

waxaa soo diyaariyey Wakiilka Dulmane ee Hargeysa: 

 

wakiilka Dulmane Hargaysa

 

Barkhad Jamac Hiri

 

Email: Midgaanyare@yahoo.com

Daabaco Boggan | Print