Shirkan jaraa,id ee suldaanka oo ahaa mid dhinacyo badan taabanaayey ayaa waxaa uu suldaanku ka waramey kaalmaha ay beelaha gabooye kaga jiraan nolosha mujtamaca somaliyeed Isagoo tusaale u soo qaatey siyaasada, dhaqaalaha, waxsoosaarka iyo aqoontaba.

Shirkan jaraa'id ee suldaanka ayaa waxaa uu ku soo beegmay wakhti xaalada siyaasadeed ee dalka cirka mareyso,

Suldaanka oo la hadlaayey suxufiyiintii kala duwaneyd ee goobjooga ka aheyd shirka jaraa'id ayaa waxaa uu ku billaabey hadalkiisa. 

Bismillaahi raxmaani raxiim marka hore waxaan u mahadnaqayaa Alle sw marka xigtana waxaa sallaamayaa bahda saxaafada ee ka soo qeybgashay shirkeygan jaraa,id koleyba waxaa uugu weyn ee aan u qabtey shirkan jaraa,id waxaa weeyaan goobaabin iyo baraarujin aan rabbo inaan ku sameeyo qurba joogaan kamid ahey sallaadiintooda. 

Suldaanka ayaa intaas kadib waxaa uu yidhi:  

Waxaan aad iyo aad u dhaliilayaa qurba joogayaga anigoo ku dhaliilaya

1: waxqabad la'aan

2: firfircooni la'aan

3: isku xidhnaansho la'aan

4: baraarug la'aan  

Waxaan aad iyo aad uugu murugoodaa iyadoo dadka gabooye dibada ku nooli yihiin dad aad u badan ayaa waxaad arkeysaa dayacnaanta haysata dadkooda danyarta ah ee ku nool dalka gudihiisa walibba sanadadan uugu danbeeyey ay soo wajahdey dhaqaale xummo aad u daran.

Waxaad la yaabaysaa mar walba adigoo ka maqlaaya idaacaadka dalka iyo kuwa dibadaba warar sheegaya jaaliyada dalka mareykanka ee S/land oo deeq raashin ah soo gaadhsiisey dadkooda tabaaleysan.

Jaaliyada dalka England oo deeq waxbarasho u fidisey ardeyda reer Somaliland.

Jaaliyada dalka faransiiska oo deeq daawooyin ah soo gaadhsiisey dadka bukka ee xaafadaha magaalada hargeysa. 

Waxaan tusaalayaashaas iyo qaar kaleba u soo qaadanayaa dadkayaga hurda ee aan caalamku xaggu marayaba ogeyn.

Hadalka suldaanka oo ahaa mid aad u dheer isla markaana ka muuqdo ciil aad u badan ayaa waxaa uu tusaale u soo qaatey dadka danyarta ah ee dagan xaafada daami ee lagu soo bandhigey shabakada wararka ee dulmane online taas oo ay wax soo tareen jaaliyaddo aan gabooye aheyn oo ah dadka ehlu kheyrka ah iyagoo aan waxba uugu qaban qabiil ayaa waxa ay wax uugu qabteen islaamnimmo, Laakiinbuu yidhi waxa ay aheyd iney wax tar u muujiyaan dadkaas tabaaleysan ee gabooyaha ah dadka dibada jooga ee beelaha gabooye, 

Sidoo kale waxaa uu suldaanku tusaale labaad u soo qaatey madaariska quba oo ku yaala magaalada hargeysa islamarkaana ay wax kabartaan ardey tiradoodu gaadheyso 1000 ardey oo isugu jirra hablo iyo wiilal, Kuwaas oo ah ubixii iyo anficii ummada laakiin u baahanbuu yidhi suldaan isbarbartaag iyo wax qabad badan iyadoo waxbarashadoodu tahay billaash ayaa hadana waxaa loo baahan yahay shaqsiyaad ka soo bixiya kharashka macalimiinta wax u dhigta ardeydaas. 

Suldaanku waxaa sidoo kale tusaale uu u soo qaatey ardeyda beelaha gabooye ee dhigata jaamacada hargeysa isagoo ku tilmaamey geesiyo halgan ku jirra laakiin haddii ay waayaan waxtar iyo isbarbartaag ay nijad jabayaan, Iyagoo u baahanbuu yidhi marka ay dhameystaan waxbarashadan dalka mid dibada ah cidda la rabo iney wax u qabataana waxaa u qabataana waa qurba jooga beelaha gabooye,

Laakiin waxaan odhan karaa way dayaceen kaalintoodii kaga beegneyd waxtarka bulshada, hadaba waxaa amaan mudan dadka dalka jooga oo halgan ku jirra,  Haddalka suldaanka oo maqal ah ayaanu soo tabin doonaa insha Allaah Ugu danbeyntii waxaa uu suldaanku ku soo gabagabeeyey qodobo dhowr ah iyo dardaaran uu u diraayo qurba jooga beelaha gabooye,

Waxaan u soo jeediyey:  

1: iney isku xidhnaan muujiyaan oo ay sameystaan dallad kulmisa

2: iney muujiyaan midnimo

3: iney ogaadaan iney yihiin cida kaliya ee u maqan dadkooda

4: iney wax soo taraan dadka ku tabaaleysan dalka

5: iney tafaraaruqa iska ilaaliyaan

6: iney ogaadaan iney yihiin dad isku hadaf ah oo raba iney badbaadiyaan dadkooda dhaqaale xumada, takoorka haysto

7: iney ka dhexmuuqdaan siyaasada dalka

8: iney dalka soo maal gashadaan oo ay sameystaan  shirkado ganacsi oo dalka iyo dadkaba manfac iyo mugba u leh

9: iney ardeyda jaamacadka dhigta wax laqabtaan

10: iney taakuleeyaan madaariska quba ee ay dadkeenu diinta Alle iyo sunnadda Rasuulka ku bartaan (scw)

Iney isku xidh dibada ah iyo mid dalka ahba sameystaan, Waxaa uugu danbeyntii suldaanku yidhi waxaan ku rajo weynahay iney isbadal muujindoonaan qurba jooga beelaha gabooye:  

Anigaa tiriig baxaya ahaayo la itaabici jirree waxaase la iga taajiray tolkey kala tagiise!  

Wakiilka dulmane ee S/land

Barkhad jama hirsi:  

Email: Midgaanyare@hotmail.com