Burco (Buraoonline) 17.08.09 Madax dhaqameedka, Culimo-awdiinka iyo waxgaradka beesha gabooye ayaa sakaa shir jaraa’id oo balaadhan ku qabtay hotel Barwaaqo ee magaalad Burco
Shirkaasi jaraa’id oo ay madaxda beeshaasi kaga hadlaayeen arimo badan oo beesha iyo guud ahaan danta dalkaba khuseeya ay ku soo qaadeen ayaa waxaa ugu muhiimsanaa qodobadii shirkaasi lagu gorfaynaayey

1. in beesha gabooye taageersantahay go’aankii golaha wakiilada Somaliland ee ay kaga soo horjeedeen laalida diiwaangalinta
2. in beelaha gabooye aanay matalin dad isku sheegay madaxda beelaha gabooye oo dhawaan hargaysa shirk u qabsaday
3. in beeshu taageersantahay xisbiga KULMIYE taageeradeediina kala noqotay xisbiga UDUB markii uu ku fashilmay in uu fuliyo ballanqaadyadii ay beesha gabooye hore ugu sameeyeen

Suldaanka beelaha gabooye suldaan Daakir Xasan Khaliif oo shirka jaraa’id isgu ugu horayn kahadlay ayaa waxa uu siweyn ugu dhaliilay xukuumada iyo madaxda xisbiga talada ahay ee UDUB inay iyagu kow kayihiin cida hortaagan xuquuqda aasaasiga ah ee beelaha gabooye waxaanu tilmaamay in beesha gabooye ay dhamaan kamaqantahay hay’adaha dawlada golayaasha qaranka, garsoorka dawladaha hoose iyo dhamaan meelaha ay kala simanyihiin beelaha kale ee Somaliland taasina ay sababtay dayacaada ay dawlada UDUB hogaamisaa dayacday beeshan itaalka daran ee aan iyadu gaar ahaanteeda isu abaabulikarin madaamo oo ay beeshu xag dhaqaale iyo xag awoodeedba ka danbayso beelaha kale ee Somaliland waxaanu hadaladii suldaanka kamid ahaa “ manta halkan waxaa fadhiya waxgaradkii cuqaashii aqoonyahankii, culimo awdiinkii, salaadiintii iyo dhamaan ciddi go’aanka beesha gabooye uu ka go’aayey waxaanuna bulshada Somaliland u soo bandhigaynaa in beeshu ay aayeheedii ka tashatay oo cida ay iyadu danteeda ay kujirto la jiridoonto, beesha gabooye waxay isku raacsantahay in ay taageeradeeda lagarabtaagnaandoonto xisbiga KULMIYE, waayo UDUB 7 sano ka hor ayaanu taageeradaya siinay waanay ku fashilantay inay beesha gabooye wax u qabato iskadaa wax ay uqabato ee iyagiibay xuquuqdoodii laashay oo ay iska hor istaagtay “
suldaan Daakir waxa uu goobtaasi ka sheegay in dawlada daahir riyaale hogaamiyaa ay iska hor istaagtay go’aan golaha wakiiladau baasgareeyeen oo ku saabsanaa in beelaha lahaybsooco Kooto cayiman laga siiyo golayaasha iyo hay’adaha dawlada ‘ dawlada daahir riyaale waxay cunaqabatayn ku samaysay xuquuqdii beelaha lahayb sooco ee ay baarlamaanku kootada cayiman ka siiyeen golayaasha qaranka iyo ha’adaha dawlada waanay is hortaagtay dawlada xeerkaasi”
suldaan daakir waxa uu beesha gabooye ugu baaqay inay taageeradooda doorkan lagarab istaagaan xisbiga KULMIYE waxaanu ku adkeeyey inaan la iibsan codkooda ee ay qadiyad ku codeeyaan “  gabooyaha waxaa leeyahay UDUB IYO KULMIYE masina oo UDUB way ku fashilantay taageeradii hore aynu u siinayna waynu kala noqonay oo hadda kulmiye aynu tijaabino ayaan idin leeyahay, Gabooyaha waxay UDUB ka dhigatay Hangool oo hangoolka marka reerku guuro ee guri yagleelaayo ayaa la xasuustaa oo la baadh-baadha inta reerku deganyahna dalawbaa laga tuuraa oo cidina ma xasuusato markaa UDUB gabooyaha waxay xasuusataa marka doorashadu soo dhawaato.

waxaa isna halkaasi kahadlay afhayeenka beelaha gabooyaha ee gobolka togdheer Md, kayse saleebaan maxamed waxaanu sheegay in beelaha gabooye ay isla qaateen in ay taageeradooda isla garab istaagaan xisbiga kulmiye waxaau yidhi “ UDUB ayaanu ahayn oo waxaanu islahayn maadama aad dad itaalyar oo la haybsooco tihiin muxaafidka haka fogaanina nasiib daro waxaa na lahadhay xisbigii aanu taageeray ee udub oo isagii nagu noqday abris aaduna”
Md faysala afhayeenka beelaha gabooye ee burco waxa uu dawlada ku eedeeyey inay rag kalaysay oo aanay gar iyo garawshiyo midnaba ka bixinin “ waad ogaydeen in inamadeenii cadcadaa rasaas lagu laayey oo ay dawladii laysayna aan waxba inooga qabanin gar iyo garawshiiyo toona waxay yidhaahdeen way cabsanaayeen “
Sida ka muuqatay shucuurta ka soo qaybgalayaasha shirkan jaraa’id ayaa waxay ka muuqatay qiiro iyo dad aad ugu qanacsan ku soo biiristooda xisbiga kulmiye waxayna ku dhawaaqaayeen halku dhigyo lidi ku ah xisbbiga talada haya oo ay ku dhaliilaayeen inuu waxba u qaban waayey beelweynta gabooye oo ah beel aad uga danbaysa beelaha kale ee bulshada Somaliland

Reported by: c/fataax siciid jaamac {c/fataax shalu-maray }
BURCO, SOMALILAND
E-mail:cfataaxilkacase@hotmail.com