Taariikhdu waa maguurto, ma duugowdo wixii mar soomarana waa laga dheehdaa.

Waxyaabaha yaabka leh ee siyaasada Soomaaliya kusoo cusboonaaday ayaa wexey tahay in lagu qaraabto magaca Argagixisada

Isbaheysiga Argagixiso ladirirka ee looga dhawaaqay Dayniile, kaasoo ay ku bahoobeen Hogaamiyo kooxeedyo iyo ganacsato ku fikir ah, isbaheysiga majirto hogaan ay hishiis ku yihiin, waxa kaliya oo ay ku mideysanyihiin waa in ay Maxkamadaha Islaamka ladagaalaan iyo dhibaatadii ay ummada ku haayeen in ay labajibaaraan

Nimankan hogaamiye kooxeedka ah ee dhistay isbaheysiga sharta iyo sheydaanka ma jirto cid dooratay iyo meel lagu doortay intaba, balse mas’uuliyada ay sheeganaayaan ee hogaamiye kooxeed waxaa ka dhigay duruufihii dalka ka jiray kadib markii ay dagaal geliyeen beelihii ay ka dhasheen.

Isbaheysiga argagixiso la dirirka wexey qandaraas ku soo qaateen iney ladagaalaan Maxkamada Islaamka, iney kala qeyb qeybiyaan iskuna diraan ummada soomaaliyeed isla markaasna dib u soo celiyaan dagaaladii sokeeye si ay ugu abuuraan colaad, shaki iyo is aamindaro ummada nabada dooneyso ee ka daashay qax, dil, dhac, iyo dhiig sokeeye oo micno la’ aan u daata.

18 kii feberaayo 2006 waxaa dhacay dagaal oo ay iskaga horyimaadeen isbaheysiga sharta iyo sheydaanka iyo Maxkamadaha Islaamka oo kaashanaayo shacbiga kaas oo socday afar maalmood waxaana lagu jebiyay dagaalkaas Isbaheysiga sharta iyo sheydaanka

Waxaa kaloo dagaal ka dhacay dhinaca waqooyi bari ee magaalada Muqdisho dagaalkaas oo socday afar maalmood waxaa isna lagu jebiyay isbaheysiga sharta iyo sheydaanka.

Hadaba markii looga guuleystay dagaalkii hogaamiyo kooxeedyadaii ayey bilaabeen iney bilaabeen iney ummada u sheegaan warar kutiti kuteen ah oon sal iyo raad toona leheen, ayagoo ku andacoonaayo waxaa dagaalka ku jiro niman ajnabi ah sida Yemen iyo Ooramo.

Mrakii ay maradii ka dhacday hogaamiyo kooxeedyadii ayey beelahoodii ku beer laxawsanaayaan in dagaalku uu yahay mid qabiil ee tolbeelayeey i taageera, soomaalidu wexey tiraahdaa NIN DAAD QAADAY XUMBO CUSKAY.

Waa ayaan daro in ay shacbiga dib ugu soo laabtaan,sow maahan shacbiga ay madaafiicda la dhacaayaan kuwii markii ay Muqdisho ku soo laabteen kuwii soo dhoweeyay kadib markii ay kubeer laxawsadeen waxaan diidanahay in dalka la keeno ciidamo safka hore ah iyo in Muqdisho caasimada laga wareejiyo iyo waxaan qaadeynaa isbaarada, maamulna magaala waan u sameyneynaa.

Hadaba su aashu wexey tahay maxey soo kordhin karaan kadib markii ay 16 sano ka shaqeynayeen dagaal sokeeye, isku dir, iyo in dhiiga ummada soomaaliyeed laga macaasho.

Jawaabtu waa iska cadahay wax ay soo kaordhinkaraan ma leh , waana dhamaatay wakhtigii Qabiil waxku kaxeysashada dadkuna waa bislaadeen waxeyna u baahan yihiin nabad halku dhigoodana waa WAXAAN U BAAHANAHAY NABAD, SIDA AAN UGU BAAHANAHAY HAWO IYO BIYO ( we need peace as much as we need air and water )

Aad baan uga xumahay waxa ka dhacay Muqdisho, waxaase wax lala yaabo ah in shacbi dhistay Maxkamado Islaami ah loogu yeero Argagixiso!! Hogaamiye kooxeedow xasil nin xasilan xanfar maridee!! Marain habaabinta aad umada ku heysaan Waa mid ay taariikhdu ay xusi doonto ( History repeats by itself ).

Ugu danbeyntii waxaan maqaalkeyga ku soo gabagabeynayaa uguna baaqaayaa Maxkamadaha iyo Isbaheysiga in aad ummada u turtaan iyo in aad xal kama danbeys ah ka gaartaan khilaafka dhexdiina ah ee dagaalka sababay waxaana idin kula talinayaa in aad madaxa u dhiibataan oday dhaqameedyada maadama aad huwantihiin magac beeleed.

 

 

By:- Yoonis Aadan (Cigalley )

Gothenburg- Sweden

Wardhiigley@hotmail.com