HADDAAN TOL WAAYEY
MUSLIMNA MA WAAYEY!
Waxa la yidhi maalin
baa jirta. Maalin qof waliba uu tiimbanayo mool ka sameysmay dhididkiisa.
Ama dabaal joogta xariif ku ahow ama huuy-da aad u kas, haddii aan lagu
fasaxin oo Eebe kuu fududeyn waad muquuran!. Magaran waxa dhidikaas
balliga ka dhigay? Qorraxdii baa dhow markaasaa sida tubo la furay
dhididku noqonayaa! Suubanahu(csw) wuxuu noo sheegay inay jiraan dad
maalintaas helaya hoos iyo hadh aan la suureysan karin. Dadkaas waxaa ka
mid ah qof ku gacan seydhay oo aayadaha Eebahay iyo sida ay runtu tahay ka
hor cadeeyey mas’uul Eebe xadhigiisii ka goostay oo awood u leh inuu dadka
ciqaabo!
Eebe
hortiina ha nuuriyo; waa culumada tirada badan ee ku xirxiran Xabsiga
Hargeisa ee maalinba mid la jirdilayo si ay u gadmaan, laakiin kasoo
dhaqaaqi waayey wixii ay aaminsanaayeen.
Eebe ha idin
dulleeyo Qoowmu Riyaale oo ah Maxishoodayaasha caadeystay kufsiga, xarigga,
jirdilka iyo marin habaabinta Bulsha weynta Somaliland
si ay danahooda ay ugu adeegayaan cadowga ummada Soomaaliyeed u gaaraan.
Waxaa la yidhi
waraabe ayaa jiilaalku ku dheeraaday markaasuu arkay nin isna safarku ku
dheeraaday. Waraabihii ayaa isbihinbihiyey si uu ninkan u sasabto: “
Waaryaahee waa ninka, sowdigan calfihii kaa go’een oo afkii jilifta ku
noqday. Waar aan ku qaadee si uu toobiyuhu kuugu soo dhowaado ee kusoo
bood dhabarkeyga!” Waaba waraabe faras ka dhigo! Ninkii baa ku booday
waraabihii inta uu iska bixiyey kabihii jaangeriga ahaa. Waraabihii baa la
faranduleeyey ninkii isagoo xowli ku socda. Ninkii baa qayliyey: “
Waraabow joogso! Waar joogso waad I dhaafisay gurigeygiiye! Waar xaguu
nagu wadaa!” Waraabihii siduu ninkii ulasii cararayey ayuu godkiisii dalaq
la yidhi, kadibna? Warmaa yaala hee!
Waxaan taas ka
duwaneyn yeeyda Bulsha weynta
Somaliland
u kacday iyagoo isleh barwaaqo ayaad gaareysaan. Maxaa ka qabsaday waa
qarsanayaane! Waxaan leeyahay maaweeladu intii hore ha ahaato ee Qowmu
Riyaale meel idiima wadaane godkan aad gasheen ee aad madaxa kala soo
jeedaan kasoo booda oo sida Reer Koonfurta iska xoreeya Ashahaada la
dirirka! Waxaa la yaab leh sida Sabtiga iyo Axada uu Tigreegu uu
Kalaabyada Hargeisa uu ugu caweeyo iyagoo wixii soo agmara ay laad kala
daalayaan! Waxaa la yaableh sida iyagoo qaaqaawan ay meel walba ula
mushaaxayaan dumarka Soomaaliyeed! Waxaa la yaab leh sida haddiiba lagaa
maqlo erega Amxaar markiiba afka laguu goosanayo: “Afku ku go’ye! Waa
inaad tidhaahdaa walaaladeen aanu jecel nahay ee Itoobiya” Waxaa la yaab
leh sida ay Reer Somaliland u kala garan la’yihiin Muwaadinka iyo Ajnabiga.
Waxaan leeyahay marka masiibo timaado Qowmu Riyaale oo keliya ku dhici
maysee dhamaan ummada
Somaliland
bay taabanaysaa ee iska gaara Qowmkan horeyna idiinsoo gumaaday haatana
weli magiciina wax ku gumaadaya. Dadku garasha yaraa! Isqabad yaraa! Arxan
daranaa! Waa bad taqaanaan Riyaale wuxuu ahaan jirey iyo hawlihiisii hore
ee sidee ku aaminteen! Xornimo ayaad raadineysaan idinkooba xor ahayn! Bal
horta isxoreeya! Dadka noocan ah yaasoo habay oo soo ababiyey mataqaan?
Akhri qoraalkii hore
http://www.midgaan.com/sayid.htm
Suubanuhu wuxuu
yidhi: “ Haddii aan xishoodba lagugu ogeyn wixii aad doontidba iska samee”.
Xishoodkii iyo xayadii baa Eebe ka qaaday Qowmka Riyaale oo waa kuwii
doorkii horena gabadhii yarayd ee ay wada awoowayaasha u ahaayeen ku fara
xumeeyey Xabsigan baas ilaa qayladhaan dunida ka timid ay hoggaa kasoo
saartay. Tolow miyeysay wixii tegey waxba ku qaadan mise maanta culumadu
Doolar bay joogaan oo waaba jaanis furan! Bal halkan akhri
www.somalitalk.com/editorial/samsam63.html. Qowmu Riyaale waa kuwii
qoowmiyada aan u dhalan Somaliland u dhiibay xabashida, waa kuwii maatada
iyo carruurta Reer Koonfur ee martida u ahaa kasoo raafay Hargeisa markii
Viise laga waayey. Waa kuwa Qowmiyada laga tirada badan yahay sida
biciidka u ugaadha ama ku kala jeexa laba baabuur inta ay lugaha uga
xiraan. Halkan ka akhri
http://www.midgaan.com/mag.htm Sidey u wada dhan yihiin isma qabtaan
oo qof yaxyaxa laguma oga, qof damqada laguma oga, qof waxgarad ah laguma
oga. Waxaase loo baahan yahay in shicibka Soomaaliland ay fahmaan
aayahooda oo ay iska gartaan awrka lagu kacsanayo haddii kale masiibada ku
dhacda Qowmu Riyaale ayaa iyagana aafeyn doonta. Ogow bahashu indha ay ku
kala garato waayeel, carruur, daalim, munaafaq iyo mu’min ma laha-e!
Waxa la yidhi
saaxiibku waa ka kugu dhinta een kaa cararin maalinta aad yaaban tahay.
Waxa la yidhi carruur sidaa ismoodaysay inay isku ahaayeen ayaa Yeey
xuubsata ah oo gaajeysani kusoo baxay markaasey cagaha wax ka dayeen. Mid
saaxiibkood ah ayaa dhinacna u dhaqaaqi waayey naxdin darteed markaasuu
dhulka isku dhuftay oo neeftana isku xidhay. Yeydii baa urursatay
markaasey iskaga tagtay. Kuwii carary ayaa su’aalay miskiinkii ay ka
carareen waxa ay yeeydu u sheegeysay. Wuxuu ugu jawaabay: “ Yeydu waxay ii
sheegtay inaan raacin saaxiibada iga carara marka xaalku adag yahay”.
Haddaba maxaa ku dhacay dadka damiirka leh, culumaa’udiinka iyo weliba
asxaabtii ay lahaayeen wadaadada ku xiran Xabsiga CID-da ee Hargeisa. Sow
iyagu maaha laandheerayaal u dhashay wadanka? Sow ma ahayn inay
asxaabtooda badbaadiyaan ama ay xeer soomaali wax ku dhameeyaan? Tusaale
wanaagsan waxaan usoo qaadanayaa wareysiga laga qaaday Sh. Maxamed
Ismaaciil isagoo la jirdilayo ayaa waxaa ku jirtay inuu Muxaadarada lagu
soo qabtay uu la sameynayey Sheekh Mustafa. Sheekh Mustafe lama soo qaban
isaga waayo tolkiis ayaan u ogolaaneyn in lagu xadgudbo, laakiin Sheekh
Mohamed iyo inta la xiran oo ilaa 10-yo ku dhowaad ah ayaa habeen iyo
maalin walba la jirdilaa ilaa qaar ay naafo ka noqdeen! Ninkii tol leh wuu
badbaadaye, tol yare yaa tol u ah!
Eebe hortiina
ha nuuriyo; waa culumada tirada badan ee ku xirxiran Xabsiga Hargeisa ee
maalinba mid la jirdilayo si ay gadmaan, laakiin kasoo dhaqaaqi waayey
wixii ay aaminsanaayeen.
Eebe ha idin
duleeyo Qoowmu Riyaale oo ah Maxishoodayaasha caadeystay kufsiga, xarigga,
jirdilka iyo marin habaabinta Bulsha weynta Somaliland
si ay danahooda ay ugu adeegayaan cadowga ummada Soomaaliyeed u gaaraan.
Culumada ku xidhan
Xabsiga Hargeisa ee lagu waayey sicir iyo qiima wanaagsan oo laga siisto
dibedda ayaa haatan waxaa jirdilkooda loogu raaxeeyaa Tigreega ka
amarkutaagleeya
Somaliland.
Waxaay waayeen tolweyne u gurmada, waxaase ka daran markii ay waayeen
shicib wax fahansan iyo muslimiin u gurmata, waxaase aan marnaba meesha ka
bixin ducadooda aan soo laabaneyn ee Suubanuhu(csw) yidhi: “ Waar hooy ka
baqa ducada dulmanaha, waayo lama soo celiyo”.
Walle Qowmu
Riyaale dhowdhowdu uma dhacsana!
C/Rahman Eelay
eediran@yahoo.com
|
|
Fiiro gaar ah:
Rayigan dhamaan inta uu ka koobanyahay waxaa iska leh qorayaasha soo
qorey, "Dulmane Online" sinaba uugama masuul aha sida ama waxa uu
qoraagu soo qorayo.
|
Email
: