Dagaalka ka socda Caasimadii Qaranka Muqdisho una dhexeeya labada Dhinaca ee Shalay ahaa Xulafada isku Qadaiyada ah,hab nabadeed iyo hab Iskaashi lehna kuwa joogay Magaalada, kaalin weyn ka qaatay dhibaatadda Dadka shicibka ah,kana soo wada hor-jeeday Dowlad ku Sheega u Madaxa ka yahay C/Laahi Sheekh oo anigu aan u aqaan Dowlada Igad/Soma oo aan Heysan Kalsoonida Aqlabiyada Ummada Somaaliyeed,Khilaafkan ayaa la Oran karaa wuxuu leeyahay Ujeedooyinka Kalle,waxaana ka dameeyn karra Dhinacyo Qarsoon iyo Dowlado Waxaana lagu Fashilinaayaa Shirka ama Kulanka Golaha Barlamaanka Fadhiidka ah,

 

 

Colaadan oo u muuqata mid waji qabiil yeelatay oo ah Is-baheeysiga Aqbaal/

Muruursade iyo Ceyr wax u eeg leh, sida la xaqiijinaayo Gacmo Siyaasiyiin ka Dameeyaan Gaar ahaa-Dr-C/Qaasim Salaad Xassan iyo Xataa Xiisad Abuurid Madaxweyne C/Laahi Yuusuf  uu ku leg leeyahay, ayaa ah mid ayaan Daradeeda leh, Dhibkeeda leh Dhaawac weyn ku ah Guud ahaanba Ummada

Somaaliyeed oo Daalan Gaar ahaan Gobolka Banaadir Wadnaha Qaranka, Dagaalkan habka Diineed lagu Tilmaamaayo iyo Argagaxiso la dagaalanka Xaqiiqadu Sidaas ma ah ee waa Daaha wax lagu qarinaayo, Maxaa Hadda ka Dhigay Kooxo argagaxiso ah,Markii Horre Maxeey ahaayeen,Waa Kuwii la Ogaa oo Halkaas Joogey,Maxaa Isbedeleey, Dagaal oogayaasha Miyeey Diinta ka Baxeen Waa Maxeey Jihaadku, Timir Laf baa Ku Jirta.

   

Marka aan Cabiro Aragtideeyda waa Qorshe lagu Curyaaminaayo Kulanka Golaha Barlamaanka Fadhiidka ee 26/02/2006 la filaayo in uu ka Furmo ama Loo qoondeeyeey in uu ka Furmo Magaalada Baydhabo si looga wada hadlo  Xalinta Khilaafka Labada Garab ee Muqdisho/Jowhar ee ka Wada Tirsan Dowlad ku Sheega Igad/Soma oo Liidata Hogaamin Xumano Heysato,Shaki kuma jirro in Colaadanu Khasaaraheeda leedahay, Dad badan oo aan Waxba Galina Naftooda ku Waayeen, Arrimaha eey sii murjin doonto, waxaa kalle oo Xusid mudan in Kalfadhiga Barlamaanku Wax Qiimaha yeelanan hadii eey ka Maqan yihiin Hogaamiyaasha Hubeeysan ee Muqdisho(Libaaxyada Banaadir)  Suudi,Qanyare,Caato iyo Ini Ceydiid, Barlamaanku Cod aqlabiyad ah kuma Shaqeeyo ee wuxuu ku saleeysan yahay Xubno Mudnaan leh,Dagaalka oo Looga soo Hub iyo Ciidanba ururinaayo Gobolada Jubooyinka iyo Sh/Hoose ayaa kuu Cadeeyneeysa Wadada uu Qaadan oo Qabyaaladeed.

   

     Xalka Arrimaha Somaaliyeed kuma jirro Gacan Ummada ama Dadka Caadiga ah oo Aqlabiyada ah ee Wuxuu Gacanta ugu Jiraa Hogaamiyaasha Dagaalka iyo Dhibaatada ka Shaqeeya,Dhiiga Dadka Daadiya oo ah Wasiiro iyo Xildhibaano Sharaf leh iyo Madaxweyne Maamuus Mudan,Aslana ah Gacan ku Dhiiglayaal Waaweyn, Belaayo Abuurayaal iyo Qaranimo Diid Dhab iyo Raxan Xaaraan ku Naaxayaal ah oo af-duubay Shirkii Kenya oo Laga Filaayeey in lagu Xaliyo Qadiyada Somaaliyeed,Lama Marin Wadadii Nabadeynta,Wadadii Danaha Somaaliyeed, Wadadii Hab Dhaqameedka iyo

Xeerka Somaaliyeed ku Saleeysneyd, Habkii Wanaagsanaa Saraaxadda iyo Xaqiiqo Sheegida ku Fadhiyeey oo Guusha lagu Gaari Lahaa, Faro gelin iyo Talo Shisheeye iyo Aragti Dambiilayaal ayaa ku Midoobeey Shirkaas Maxaa Ka Soo Baxeey Dowlada Igad/Soma oo ah Shirka ka Dhexeesa Raxanta isku Sheegta Hogaamiyaasha Somaaliyeed iyo Hogaamiyaasha Habka Qalfsan ku Heeysta Shucuubka Dowladaha Igad,Dhanka Muqdisho iyo Siraaca Awoodda Waxaa Tusaale loo Soo qaadan karaa Golohii Degaanka oo Hogaamiyaashu si weyn ugu dadaaleen iyo sida loogala hoos baxay Indhahooda oo Shan ah Waana Guuldaro weyn iyo Dhaawac Siyaasadeed oo Culeeyskiisa leh.

 

 

     Waa ayaan Darro iyo Xaalad Naxdiinteeda leh waana garasho xumadda ama dareen la,aanta Dadka Somaaliyeed ee u af-duuban Caadifada Qabiil iyo Qabqablayaal Adeecida, Maalinba Waji Cusub iyo Xaalad Hor leh oo Dhiigaha Dadka lagu Daadinaayo ayaa la Daawanaayaa oo Weliba Taageero La Garab-taagan yahay, Guulaha eey Soo Hooyaana waa Khasaare,Khasaare iyo Ayaan Darro Iska Soconeeysa, Qoriga iyo Qabyaalada ayaa Caqligii iyo Dadnimadii ka Awood Weynaadeey ,Somaaliyeey Dantaa Garo,Wanaag Garo Xumaan Dhaaf,Colaad Dhaaf,Belaayo iyo Taageero Qaswadayaal Iskaga Baxa,Midnimo Dhab ah,Dowlad Xaq ah iyo Qiimaha Somaaliyeed Garta oo Garta Hadii Garaad Hadhay Somaaliyeey Garta.

 

 

 

-Alla Mahad Leh-

-Qorre-Xassan C/Laahi Sheekh(Xassan Carab)-

-Huddersfield Town-England- 24/02/2006-

-sharifhassan50@yahoo.com-