China ma noqon kartaa mustaqbalka hormuudka ganacsiga
iyo warshadaha adduunka
Ka dib markii aan gaarey Beijing, oo ah caasimadda Shiinaha fikirkii aan
ka qabey intii aanan imaanin iyo kan aan kala kulmay waa wax aad u kala
duwan maxaa yeelay waxaan filayey in eey China tahay meel aad u
horumarsan isla markaana eey tahay in hadda boosas laga sii qabsado; si
aan looga dib dhicin horumarka eey ku talaabsaneyso; laakiin yaaaaaaaa
khasaaaaaaaaaaara.
ugu horeyn dadka shiinaha oo ah kuwa ugu
tiradda badan adduunka maba daneeyaan luqadaha ajnabiga ah intooda
badani amaba waxaan oran karaa 90% in ka badan.
tan xigta xataa qoraaladda ama alaabadda
ganacsiga waxeey ku qoraan fartooda, waxaan aad ula yaabey ka dib shan
saacadood oo aan magaaladda beijing ku dhex wareegaayey inaan waayo cid
af ingiriis ku hadasho iskaba daaye af kale waayo waxaanu wada soconay
wiil ka yimid tuunis oo aanu kuwada hadleyney carabi isagana eey u
dheereyd luqada france.
waa yaab aan yareyn, waxaad ku qasban
tahay luqadda dhagoolayaasha inkastoo aad wax badan ku wareereyso si aad
u sharaxdo.
magaalo madaxda shiinaha waxaa ku nool
dad lagu qiyaasey 15,000,000 (shan iyo toban milyan), 95% in ka badan
waa muwaadiniin shiine ah, hadaba ajnabigu maxeey ka noqon karaan in
lagu dhex arko magaaladda jawaabta idinkaan idiin daayey; waxaa laga
yaabaa in leys weydiiyo address sii qaado markaad shiinaha tageysid,
taas lafteeda shaki baa galaya ah, haddii address-ka aad wadato uusan ku
qorneyn far shiine cid kuu garata ayaadba waayeysaa, haddii uu far
shiine ku qoran yahay waxaa lagaa rabaa faahfaahin dheeraad ah taasna
waad ku dhiiqaneysaa, mana aha tani wax khiyaali ah ee waa dhab aan
taabtey, oo aan is leeyahay uga war bixi dadkaaga, una sawir aragtidaada
iyo fikirkaaga waxa aad ku aragtey shiinaha.
runtii dhinacyadda dhismaha daaraha
dhaadheer ee magaaladda beijing, waa kuwo aad u qurux badan aadna u faro
badan, inkastoo eey leedahay wadooyin waaweyn oo aad u faro badan hadana
silkihii iyo xarkihii korontadda ayaad arkeysaa oo ku tuban baalayaasha
wadooyinka mar baan waxaan soo xusuustey, bakaarahii xamar sida eey
xarkaha taleefoonadu iyo kuwa korontaddu ugu tubnaayeen baalayaashii
qadiimka ahaa ee ka harey dagaaladdii sokeeye iyadoo qaarkood eeyba la
tiicayeen dhaawacyaddii xabadaha ee ka soo gaarey dagaaladda.
waxaan la yaabey busaska dadweynaha oo ku
shaqeynaya koronto xarkaha eey ku shaqeeynayaane eey ku teedsan yihiin
baalooyinka una raaracaan dhinaca waddada bartameheeda iyagoo dherer
hooseeya u jira mana mari karaan meelahaasi baabuur dhaadheer ama aad
kor ugu raran, inkastoo eeysan jirinba halkani baabuur dhaadheer iyo
kuwo aad kor si taag ah loogu raro balse anigu waxaan ka qiyaas
qaadanayaa N3-yadii rimooradda ahaa ee soomaaliya dhuxusha iyo alaabaha
kale goboladda loogu rari jirey.
waa caasimad runtii aad u qurux badan,
welina uu ku sii socdo dhismo daaro aad u dhaadheer una qurux badan,
waxeey leedahay Taxi-yo dhowr nooc ah, iyo kuwo dhex bood ah, (waxaan
uga jeedaa kuwo aan Taxi ahaan u sharciyeysneyn), lagama yaabo inaad
hesho taxiile af ajnabi ah yaqaana haba yaraate; kolley anigu waxaan u
fahmey ineey cuqdad ka qabaan luqadaha ajnabiga amaba eey rabaan ineey
ku qasbaan luqadoodu ineey noqoto international.
hadaba aqristoow, haddii dani kaa soo
gasho Beijing, amaba duruufi ineey ku keento eey dhacdo xusuusnoow
wadada
SUN LI TUN,
oo ah tan keliya ee aad ka heli karto
dadka ajnabiga ah ee ku nool ama jooga magaalada beijing.
'Mohamed Abdi Ali Jabane' <bucurde14@hotmail.com>
WABILAAHI TOWFIIQ,
Email
: