BAAQ KU SAABSAN XAALADDA ABAARAHA DALKA SOMAALIYA.

Xaalad Abaareed oo aad u ba,an ayaa ka taagan inta Badan Goboladda Dalka Somaaliya, Biyo L,aan, Baad La,aan Iyo Xoolihii oo Dhamaanaaya ayaa laga Soo Sheegaayaa Gaar ahaan Goboladda Koonfurta ee Xuduuda la leh Dalalka Kenya iyo Itoobiya oo Halis ku Sugan.

      Abaartan ayaa Beryahan Damme Soo noq-noqoneeysay Roobabkii oo Yaraaday Awgeed Iyo Dalka oo aan la,heyn Dowlad Gurmad iyo Gargaar Biyo iyo Cunto ah, Waana Xaalad Naxdiinteeda leh Heerka Nolosha Dadku Gaarteey, Waxaa Wararku Sheegaayaan in Dadkii Gaajo iyo Daryeel la,aan awgeed eey Dhimanaayaan, Waana Mid Dhibaatadeeda leh, Culeeyskeeda leh Wel-welkeeda leh Gurmad iyo Gargaar Deg-deg ahna loo baahan yahay si loo quudiyo dad fara-badan oo Xaaladoodu Liidato. 

      Waxaan Halkan ugu Soo Jeedinaayaa Jaaliyadda Somaaliyeed ee Qurba Jooga ah ee Qaaradda Yurub, Waqooyiga Mareykanka Iyo Dalka Austaraaliya Baaq ku Saleeysan Bani-aadaminimadda, Islaanimadda, Somaalinimadda Iyo Walaalnimadda Asaliga ah ee Ummadda Somaaliyeed ka Dhexeeya, Hab Dhaqmeedka Wanaagsan ee Ummadda ayaa ku Saleeysan Is-Caawinta Iyo Isu-Gargaaridaba, Waa Masuuliyad Weyn oo Akhalaaqi ah, Dareenka iyo Dadnimadu ina Fareeyso, Shareecadda Diinta

Xaniifka ah ee Islaamku Ina Fareeyso, Garashadda Caqliga Wanaagsani Ina Fareeyso Ehelnimadu Ina Fareeyso, Iyadoo Xaalad Abaareed oo Bilow ahna laga Soo Sheegayo Dhinaca P/Land Iyo S/Landba.  

 

     Waxaan Soo Jeedinaayaa in Ololle Gargaar Dhaqaalle Ururin si deg deg ah loo Bilaabo, Abaabulo Habeeysan Jaaliyadu Qaado oo sida ku Haboon loogu Guntado Caawinta Dadkeena, Walaalaheena Tabaaleeysan ee Gaajadda iyo Biyo La,aanta ugu Dhimanaaya Goboladda Koonfurta, Sanduuqyo waa in La Furaa, Shairkadaha Xawaaladda Wadaniga ah ee Waaweyn-Dahabshiil, Amal Exprees, Dalsan,Badda Cas,Olampik, Xamdi, Iyo Kuwo Kaleba Waan in eey Masuuliyadood Gutaan Sidii Looga Barteyna Gurmadka iyo Gargaarka Doorkooda ka Qaataan,Hab Xisaabeed Abaaraha ku Sabsana Furaan, Culimaa-udiinka Somaaliyeed ee Qurbaha Jooga in eey Masaajidyadda ka Jeediyaan Baaqo iyo Codsiyo Caawimo Dadweynaha u Soo Jeediyaan, Daladaha Haweenka oo ku Caanka ah Caawinta iyo u adeegida Howlaha Samafalka ah,Door Wanaagsana lagu Yaqaano ayaa Maanta Kaalintooda Loo Baahan Yahay.  

      Dhammaan Akhristayaasha Sharafta iyo Xurmada weyn Mudan ee Shebekadaha Somaaliyeed ee Wadaniga ah ku Xiran Iyo Qorayaasha Waaweyn Iyo Maamulka Shebekadaha Waxaan u Soo Jeedinaayaa in eey Doorkooda qaataan,Gurmadkana Gacan ka Geeystaan, Tusaaleenta iyo Dhiiri-gelinta Dadweynaha Joogteeyaan, Qoraalo iyo Baaqyo Joogto ah oo Abaaraha ku Saabsana Soo Saaraan, Alle ayaa Raxmad, Kheeyrka , Barakadda Iyo Gargaarba leh Waxaan ka Baryaayaa in uu Raxmadiisa Roobeed ugu Deeqo Ummadda Somaaliyeed ee Abaaraha Ba,ani hayaan Xaaladooduna Halista ku Jiro Badbaadiyo oo Naxariistiisa ku Maneeysto-Amiin. 

 

 

-Alla Mahad Leh-

-Qorre-Xassan C/Laahi Sheekh(Xassan Carab)-

-Hudderfield-England- 17/01/2006-

-sharifhassan50@yahoo.com-

 

Fiiro gaar ah: Rayigan dhamaan inta uu ka koobanyahay waxaa iska leh qorayaasha soo qorey, "Dulmane Online" sinaba uugama masuul aha sida ama waxa uu qoraagu soo qorayo.