Madaxweynaha iyo waftigiisa oo kasoo Dagay Garoonka Diyaaradaha Boosaaso Ardayda ka qayb qaatay soo dhoweynta Ardayda ka qayb qaatay soo dhoweynta

Raysalwasaaraha oo Qaadanaya Salaanta Ciidanaka Booliska Degmada Carmo Cali Maxamed Geedi oo ka hadlaya xafladii Carmo Taliyaha ciidanka Boliska oo ka hadlaya xafladii Carmo

Madaxweynaha DFKG Soomaliyeed Col: Cabdulaahi Yuusuf iyo Raysal Wasaaraha DFKG Prof: Cali Maxamed Geedi Soomaaliyeed ayaa December 20 ka soo Dagay Garoonka Diyaaradaha ee Magaalada Boosaaso Wafdigaa uu hogaaminayay Madaxweynaha ayaa waxaa ku soo Dhaweeyay Garoonka Diyaarada Madaxweynaha DGPL Gen: Maxamed Muuse Xirsi (Cade), Wasiiro, Xildhibaano ka tirsan DFKG Soomaaliyeed iyo DGPL, Waxaa kaloo soo Dhaweeytaa ka qayb galay Ardayda iyo Bulshada Boosaaso oo aad ugu soo Baxay soo Dhaweynta.

Madaxweynaha DFKG Soomaaliyeed Col: Cabdulaahi iyo Wafdiguu Hogaaminaayay ayaa loo soo Gudbiyay Hotelka Wayn ee International Village ee Boosaaso kadib ayaa halkaa Madaxweynaha DFKG Soomaaliyeed Col: Cabdulaahi uu kula hadlay Saxaafada isagoo sheegay Ulajeedada socdaalaka Wafdiga uu Hogaaminayo oo uu u Horeeyo Raysal Wasaaraha DFKG Soomaaliyed Prof: Cali Maxamed Geedi, Madaxweynaha ayaa Saxaafada u sheegay in uu Doonayo isaga uu shaqsi ahaan la Kulmo Madaxweynaha DGPL Gen: Cade Muuse isagoon sheegin ula jeedadada Kulankooda lakiin Raysal wasaaruhu uu Furi doono Dugsiga Booliska Soomaliyeed ee Degmada Carmo.

Raysal wasaaraha DFKG Soomaliyeed Prof: Cali Maxamed Geedi ayaa u Gudbay Dugsiga Booliska Degmada Carmo oo Boosaaso u jirta 90km, Qada sharaf loogu sameeyay kadib ayuu Raysal Wasaruhu Guda galay Furitaanka Dugsiga Booliska ayadoo ay Xaflada Furitaanka Dugsiga Booliska ay ka hadleen Madax aad u fara badan oo ay ka mid yihiin Gudoomiyaha Degmada Carmo, Taliyaha Booliska Soomaliyeed iyo Wakiilka UNDP ayaa Waxaa ugu Dambayntii ka hadlay Raysal Wasaaraha DFKG Soomaliyeed Prof: Cali Maxamed Geedi oo Tilmaamay Muhiimada ay u leedahay Dugsigaan Shacabka iyo DFKG Soomaliyeed kadib markay ka soo Baxaan Boolis taba baran ayadoo hada ay Booliskii Hore ay intooda Badan Gaboobeen.

C/lahi Yusuf oo salaamaya shacabka Geedi iyo c/laahi Yuusuf oo salaamaya shacabka

Cadde Muuse iyo C/laahi Yuusuf Madaxweynaha oo u waramaya saxaafada

Dugsiga Booliska Carmo ayaa hada waxaa ku sugan Tiro aan la sheegin oo Tababar ugu Jira kuwaas oo ka kala yimi Guud ahaan Gobolada Soomaaliya.

Madaxweyaha iyo Raysal wasaaraha ayaa sida Warar Xogogaal ah lagu helayo ay sheegayaan in ay ku sugnaan doonaan Gobolada Puntland mudo Gaaban oo aan la cayimin.

Warar aan la xaqiijin ayaa sheegaya in Madaxweynaha marka uu dhameysto safarka Boosaaso uu u gudbi doono dalka Yemen oo uu kaga qaybgalayo kulanka ay isugu imaanayaan Golaha Iskaashiga SANCA oo kala ah wadamada Yemen, Suudaan iyo Itoobiya, waxaana sanadkaan la filayaa in ay ku biiraan Jabuuti iyo Soomaali.