WARARKII MAANTA::: Dec 20, 2005

Ardaydii ugu Horaysay oo ka qalin jabisa Jaamacada Bariga Afrika oo la gudoonsiiyay Shahaadadii, Dhisme Cusub oo ay leedahay Jamacada Bariga Afrika oo la Furay iyo u diyaar garaw loogu jiro Soo dhaweynta Madaweynaha DFKG Soomaaliya iyo Raysal Wasaraha DFKG Soomaaliya.

• SomaliTalk.com | Boosaaso | Dec 19, 2005

Kulliyada Cusub ee laga dhisay Jaamacada Bariga Afrika ee Boosaaso

Ardaydii Qalinjabinaysay oo Fadhida.

Qaar kamid ah Gabdhahii Jaamacada ka qalinjebiyey Arday aad u da' yar oo kasoo Qaybgalay Xafladhii Qalinjabinta.

Waxaa Caawa lagu gudoonsiiyay Shahaadooyin Jaamacada Bariga Afrika Ardaydii ka Qalin jabisay Jaamacad Bariga Afrika ee ugu horaysay Shahaadooyinkaa ayaa waxaa Gudoonsiiyay Madaxweynaha DGPL Gen: Maxamud Muuse Xirsi (Cade).

Xaflada Qalin jabinta oo ahayd mid aad u qurxoonayd ayaa waxaa ka soo Qayb galay Safiirka Jaamacada Carabta ee Soomaaliay Cabdala Mubaarak, Safiirka Dalka kenya ee Soomaaliya Maxamed Cabdi Afay, WAkiilka UNDP Soomaaliya Maxwell Gaylard , Qaar ka mida Wasiirada DGPl iyo Wafuud ka kala socota Jaaliyada Dibada

Madaxweynaha ayaa waxa uu xariga ka jaray Dhisme Cusub oo ay dhistay hay,ad Kuwait ah kaasoo loogu tala Galay in ay wax ku dhigtaan Kuliyada Dhaqaalaha iyo Kuliyada Computarka.

Xafladaa ayaa waxaa ka hadlay Hormuudka Kuliyada Waxbarshada Muxidiin Cali oo ka warbixiyay dhibka ay jaamacada ku bilaabatay iyo hada heerka ay marayso, Waxaa kaloo ka hadlay Arday ku hadlaayay Magaca Ardayda qalin jabinaysa , waxaa kaloo ka hadlay Safiirada Jaamcada Carabta, Dalka kenya iyo Wakiilka UNDP oo intaba balan qaaday in ay Caawin doonaan Jaamacada Bariga Afrika Boosaaso, Waxaa kale oo ka hadlay Beeldaaje Faarax oo ku hadlaayay Magaca Hogaamiye Dhaqameedyada

Beeldaaje Faarax oo ka hadlaya xaflada Madaweynaha oo Gudoonsiinaya Shahaado Arday kamida Ardaydii ka Qalinjabisay Kuliyada Sharciyada.

Gudoomiyaha Jaamacada Bariga Afrika Dr. Cabduqaadir oo kahadlaya Xafladii Ingineerada Dhisay Kuliyada Cusub

Guud ahaan Xafladii ayaa Waxa ay ku dhamaatay Jawi aad u wanaagsan.

Dhanka kale waxaa aad loogu diyaar garoobayaa soo dhaweyntii Madaweynaha DFKG Soomaaliyeed iyo Raysalwasaaraha DFKG Soomaaliyeed oo lagu wado in ay yimaadaan Puntland u diyaar garowgaa ayaa waxaa waday Dowlada Hoose Boosaaso.

Madaxweynaha DGPL Gen.Cade oo kahadlay Xaflada Muxidiin oo ah Hormuudka Kuliyada Waxbarashada Jamacada BarigaAfrika oo warbixinta jaamacada soojeediyay

Madaxweynaha DGPL oo Xariga kajaraya Dhismaha Kuliyada Cusub ee Jaamacada Bariga Afrika Boosaaso Gudaha dhismaha cusub ee Jaamacada

SomaliTalk.com | Boosaaso | Dec 19, 2005

Kulan ka fool  ka fool ah oo ay wada yeesheen qaar ka mid xubnaha Dowlada ee Jowhar iyo Muqdisho

            Waxaa maalintii shalay ahayd kulan ka fool ka fool ah isugu Yimid Xubnaha Dowladda oo fikirkoodu kala duwaan kalana taageeraya Madaxweynaha C/llaahi iyo Guddoomiyaha Baarlamaanka Shariif Xasan Shiikh Aadan, Waxaana kalunkaan uu ka dhacay Magaalada Nairobi ee dalka Kenya. Kulankaan oo qado ahaa ayaa waxaa isugu yeeray Guddoomiyaha Baarlamaanka, iyoadoo dhinacii kale ay si niyad leh u aqbaleen kulankaasi, waxaana looga hadlay sidii loo soo afjari lahaa khilaafka xukumadda. Kulankaan oo ka dhacay halkii uu ka dhacay dagaalkii dhex maray Xubnaha Baarla-maanka 17-kii Maasro ee sanadkaan ayaa ugu horeyntii waxaa halkaasi ka hadlay Guddoomiyaha Baarlamaanka Shariif Xasan Shiikh Aadan oo sheegay in loo baahan yahay in si deg deg ah loo dhameeyo khilaafka Dowladda. Xubnihii kale ee halkaasi ka hadlay waxaa ka mid ahaa Ra’isul Wasaare ku xigeenka ahana Wasiirka Arrimaha gudaha Xuseen Max’ed Faarax Caydiid oo isna sheegay in kulankaan uu ka turjumayo dhamaadka khilaafkii xubnaha Dowladda. Waxaa kalloo ka hadlay Ra’isul Wasaare ku xigeenka Dowladda Federaalka ahna Wasiirka Maaliyadda Saalim Caliyoow Ibrow oo isna sheegay in maanta ay tahay maalin aad ugu weyn Dowladda Federaalka, isagoo sheegay in ay soo dhowdhay neecowdii lagu soo gebagabeyn lahaa in Dowladdu ay kala degto Magaalooyinka Muqdisho iyo Jowhar. Kulankaan  oo si aad ah iskula canaantay labada dhinacna ay ka muuqatay reyreyn iyo rajo wanaagsan ayaa gabagabadii la isku afgartay in laga wada qaybo kulanka ka dhacay Magaalada Kismaayo.