WARARKII
MAANTA::: Dec 19, 2005
Taliyaha ciidanka booliska
Soomaaliyeed iyo sadon & shan xubnood oo Axadii ka ambabaxay
magaalada kismayo ayagoo ku sii jeeda deegaanka carmo ee gobolka
Barri
Waxaa Axadii ka anbabaxay
magaalada kismaayo wafdi balaaran oo uu hogaaminayo taliyaha
ciidanka boolsika somaliyeed iyo waliba shan iyo sodon xubnood oo
sida la sheegay tababar looga furayo deeganka carmo ee gobolka
barri.
Ciidankaan ka anababxay magaalada
kismayo oo tiradoodu gaaraysay shan iyo sodon xubnood oo ay shan
ka mid ah ay dumar ahayeen ayaa waxaa ay ka kala socdeen deegano
hoos yimaada oo ka tiran gobolada jubbada hoose & jubbada
dhexe ayadoo shan iyo sodonkaan qof la filayo in tababar xaga
ciidanka booliska looga furayo deeganka carmo ee gobolka barri.
Dadkaan ka anbaxabaxay magalaada
kismayo ayaa diyaardii qaaday waxay ay ka timid magaalada neyroobi
ee dalka Kenya waxaana diyaaradaas saarnaa oo la yimid magaalada
kismayo taliyaha ciidanka booliska somaliyeed .
Markii uu ka soo dagay dayaaradii
uu saarnaa taliyaha ciidanka somaliyed Genaral cali madoobe ayaan
waxaan weydiiyay suaal ahayd in socdaalkiisa uu haatan ku soo
gaaray magaalada kismayo uu ku wajahanyahay furitaanka xero boolis
oo uu taliyaha dhawaan sheegay in laga farurayo magaalada kismayo
ayaa waxaa uu sheegay in socdaalkiisa uu Axadii ku yimid magaalada
kismayo uu ku wajahanyahay qaadista shan iyo socdon xubnod oo la
rabo in tababar looga furo deeganka carmo ee gobolka barri waxaana
uu sheegay taliyaha in ay ciidankaan haatan laga qaday magaalada
kismayo lagu biirin doono ciidamo kale oo ka kala yimid deegana
gobolada shabeelada hoose iyo barri.
Imaatinkii taliyaha uu Axadii
yimid magaalad kismayo ayaa waxaa uu ahaa mid waqti gaaban ku ekaa
ayadoo markii uu dhamestay taliyaha socdaalkiisii saacadaha qaatay
uu ku yimdi magaalada kismayo uu dib u sagootiyay taliyaha iyo
ciidanka ku wajahan deeganka carmo wasiirka dib u dhiska iyo dib u
dajinta dowlada FKG ah ee somaliyeed xildhibvaan barre aadan shire
barre hiraale iyo waliba dadweyne aad u fara badan oo la qaraabo
ah ciidankii tababarka loogu waday deeganak carmo.
cabdi khadar Nuur <cabdiqadar84@hotmail.com>
Qaramada
Midoobey oo Dowladda Yemen ku canaanatay sidii. ay ula dhaqantey
dadkii soomaaliyeed.
Qaramada
Midoobey ayaa si weyn ugu canaanatay Dowladda Yemen sidii ay ula
dhaqantay Qaxooti Soomaaliyeed oo mudooyinkaabna hor dhoobnaa
xarunta Hay’adda UNCHR ee Magaalada Sanca kuwaas oo halkaasi ka
dhigayay banaanbaxyo cabasho ah, oo ku saabsan sidii ay u heli
lahaayeen nolol ka duwan midda ay haatan ku sugan yihiin,
“Ciidamada Yemen ma ahayn in ay rasaas u adeegsadaan dadkaas”
ayuu yiri Sarkaal u hadlay Qaramada Midoobey oo sheegay in
Dowladda Yemen looga baahan yahay in ay faahfaahin dheeraad ah ka
bixiso sababihii ay Ciidamada Yemen ugu fureen saraasta dadkaa
qaxootiga ah. Ugu yaraan shan qof oo Soomaali ah ayaa ku dhimatay
tacshiiradii ay fureen ciidamada wadanka Yemen, waxaana ku
dhaawacmay 20 qof oo qaarkood ay la ildaran yihiin dhaawacyo halis
ah oo ka soo gaaray saraastaasi, sidoo kale waxaa la sheegay
in dadka dhaawaca ah ay ku jiraan carruur aad u da’ yar, ma ahan
markii ugu horeysay ee Ciidamada Yemen ay rasaas u adeegsadaan dad
Soomaali ah oo ka banaanbaxayay dhibaato ku haysatay wadankaasi.
Sidoo kale dadka Soomaaliyeed ee u tahriibka wadanka Yemen ayaa
iyana dhibaato kala kulma ciidamada Badda wadankaasi, iyagoo ula
dhaqma si aad u fool xun, qaarkoodna waxaa loo taxaabaa xabsiyadda
wadanka Yemen, sidoo kale dadka Qaxootiga ah ee ku nool wadankaasi
ayaa iyana ku nool duruufo aad u adag oo dhinaca nolosha ah.
Xubnaha
Xildhbaanada Beelaha Digil iyo Mirifle oo kulankii Daraasaadka ku
tilmaamey...
Kulan
gaar ah oo ay maalintii shalay ahayd ku yeesheen Magaalada Muqdisho
xildhibaanada Beelaha Digil iyo Mirifle, ayaa waxaa looga hadlay
arrimo la xiriira shirkii daraasaadka Gobalada oo dhawaan lagu soo
gebaga-beeyay Magaalada Jowhar, waxayna sheegeen xildhibaana-daasi
in shirkaasi aysan ka qaybgalin dad ka socday beelaha Digil iyo
Mirifle, balse ay ahaayeen kuwii ka qaybgalay kuwo laga uruuriyay
deegaano kale oo aan matali karin beelah Digil iyo Mirifle.
“Shirka
daraasaadka ujeedadiisu waxay ahayd in Gobalo ay nabadi ka jirto in
la carqaladeeyo laguna abuuro dagaalo sokeeye” ayay yiraahdeen
xildhibaanadaasi oo sheegay in aan shirna lagu qaban karin Magaalada
Waajid ee Gobalka Bakool, iyagoo sheegay in ciddii halkaasi isku
tagta ay mas’uul ka noqon wixii ku dhaca.
Xildhibaanada
waxay sheegeen in Gobalada Bay iyo Bakool ay haatan ka jirto
xasilooni buuxda taas oo ay sheegeen in ay ka shaqeeyeen Waxgaradka,
Culuma’u-diinka Malaaqyada iyo Odoyaasha beelaha Digil iyo Mirifle.
Sidoo
kale Gobalo ka tirsan Dalka ayaa iyana ku gacanseyray shirkii
daraasaadka ee dib u dhiska gobalada, iyagoo sheegay in xubnihii ka
qaygalay ay ahaayeen kuwo aan matalin Gobaladii ay sheegteen,
waxaaan ka mid ah Gobaladaasi Galguduud, Mudug iyo Hiiraan.
Maamulka
Muuse Suudi oo sii daayay Nabadoono ku xirnaa...
Maalintii
shalay ahayd ayaa xabsi ku yaala Magaalada Balcad laga sii daayay
saddex nabadoon oo u dhashay beesha Hillibi Dallandoole, kuwaas oo
ay waxgaradka beesha Hillibi Dallandoole ay sheegeen in si gardaro
ah lagu xiray.
Siideynta
nabadoonadaan ayaa waxaa ka dambeeyay maamulka Muuse Suudi ee ka
taliya halkaasi kaddib markii ay sheegeen in dib loo soo celiyay
qorey uu horey u qaatay dhallinyaro ah balse loo xiray Odoyaashaan.
Saddexda
xubnood ayaa waxaa ku jiray nin si aad ah looga yaqaano deegaankaasi,
gaar ahaan dhinaca nabadoonimada laguna magacaabo Xasan Shoobaaye
Maxamuud, waxaana siideynta raggaan si aad ah u soo dhaweeyay
Waxgaradka iyo Odoyaasha Beesha Hillibi Dallandoole, Saddexdaan nin
ayaa muddo toban maalmood ah ku jiray xabsiga Magaalad Balcad.
C/llaahi
Yuusuf iyo Cali Max’ed Geedi oo u ambabaxaya Boosaaso..
Madaxweynaha
Dowladda Federaalka C/llaahi Yuusuf Axmed iyo Ra’isul Wasaare Cali
Max’ed Geedi ayaa la filayaa in (maanta) ay u ambabaxaan Magaalada
Boosaaso halkaas oo ay kaga qaybgalayaan xaflad lagu furayo Dugsiga
tababarka Ciidanka Booliiska Soomaaliyeed oo laga furayo deegaanka
Carmo.
Madaxweynaha
iyo Ra’isul Wasaaraha ayaa inta ay halkaas ku sugan yihiin waxa ay
kulamo la yeelan doonaan mas’uuliyiinta maamul Gobaleedka Puntland
oo uu ugu horeeyo Gen, Cadde Muuse, waxaana haatan Magaalad Boosaaso
ka socda diyaargarow loogu jiro soo dhaweyn wafdiga Madaxweynaha.
Gen,
Cadde Muuse ayaa waxa uu magacaabay guddiyo soo dhaweyn ah oo isugu
jiro guddiga nabadgelyada, guddiga dhaqaalah, guddiga Gaadiidka,
guddiga warfaafinta iyo guddiyo kale, kuwaas oo dhamaantood ah
Wasiiro ka tirsan maamulka Puntland.
Dhinaca
kale Gen, Cadde Muuse ayaa shalay xarigga ka jiray Aargo aar u qurux
badan oo laga dhisay bartamaha Magaalada Boosaaso.
Warbixin
ku saabsan dagaalo dhex maray Ciidamada Itoobiya iyo...
Jabahadda
Wadaniga Xoreynta Ogaadeeniya ayaa soo saartay war saxaafadeed ay
kaga warameyso dagaalo dhex maray Jabhadda iyo Ciidamada Itoobiya,
waxayna dagaaladaasi ay ka dhaceen deegaanada kala ah Dhaan,
Jidhacle, Ban-Baas, Ceel Buur, Qoleji, Dhagax Buur, Galalshe,
Mishinka, Waaf Dhuug, Sanxaskule, Baarguun, Qeylo Dhuurey, Jeerinka,
oo ka wada tirsan Gobalada Godey, Jig Jiga, Dhagax Buur, Nogob,
Doolo, waxayna dagaaladaasi ay dhaceen 7/11/2005 ilaa iyo
12/12/2005, guud ahaan tirada ciidamada looga dilay Xabashida ayaa
waxay gaarayaan 200 oo Askri, waxaana looga dhaawacay 157 askari,
waxaana laga gubey saddex Baabuur, waxaana laga furtay hub aad u
fara badan.
Jabhaddu
waxay war saxaafadeedkeeda ku sheegtay in marka ciidamada Xabashida
khasaaro loo gaysto iyana ay dhibaato u gaystaan shacabka Maataada
ah oo iyagu kula kaca dil, dhac, Kufsi, Xasuuq iyo Xarig,. waxaana
ugu dambeeyay gumaadkii ka dhacay Qabri-Dahare 15/11/2005.
Ugu
dambeyntii Jabhaddu waxay ugu baaqeysaa shacabka Soomaalida
Ogaadeeniya in ay u adkeystaan dhibka uu ku hayo gumeysiga, una
diyaar garoobaan sidii ay isaga dul qaadi lahaayeen heeryada
Gumeysiga Itoobiya, waxay kalloo ugu baaqeen shacabka Soomaaliyeed
in ay garab istaagaan walaalahooda gumeysiga lagu haysto, gacanna ay
ku siiyaan halganka ay kula jiraan Gumeysiga, waxaana war-saxaafadeedkaan
ku saxiixnaa wakiilka Jabhadda ee Soomaaliya Cilmi Muxumad.
W/D:
Amiin Yuusuf Khasaaro
E-Mail:
amiinkhasaaro@hotmail.com
PAKISTAN: SAFAARADA
SOMAALIYEED EE WADANKA PAKISTAN OO DHAKHAATIIR IYO KAL KAALIYAL
CAAFIMAAD U DIRTAY MEELIHII UU KA DHACAY DHULGARIIRKU.
8dii bishaan aan ku jirno ee
December 2005 ayaa safaarada Somalida ee wadanka pakistan waxay
dirtay koox isugu jirtay dhakhaatiir iyo kal kaaliyal caafimaad.
kooxdaan ayaa safaaradu waxay oogu
tala gashay inay ka qaybqaataan gurmadka caalamku u fidiyay dadkii
ay dhibaatadu ka soo gaartay dhulgariirka, kooxdaan ayaa door aad
u wanaagsan ka qaatay gurmadka ayagoo si sharaf leh ooga qayb
qaatay daawaynta iyo dayactirka dadkii dhibaatadu ka soo gaartay
dhulgariirka.
gurmadkaan ayaa waxaa ka qayb
qaadanaya wadama badan oo caalamka oo isugu jira Africa, Asia,
America iyo Australia.
Somalia ayaa waxay ka midtahay sadex
wadan oo African ah oo gurmad u dira dadkii wax yeeladu soo
gaartay ayadoo hada ka hor ay horay gurmad u direen wadamada South
African iyo Sudan.
arintaan ah ka qayb qaadashada
somaliaya ka qayb qaadatay gurmadkaan ayaa wuxuu noqday mid aad
loogu farxo ayadoo si aad ah loogu mahadceliyay safaarada
somaliyeed ee wadanka pakistan.
si kastaba ha ahaatee waxaa ilaa
hada socda gurmadka lagu caawinayo dadkii dhulgariirku ku dhuftay
wadanka pakistan.
Durran Hassan Aden
Somalitalk | Karachi
Email
:
webmaster@dulmane.com