---

Reer Puntland oo taageero lacageed ugu deeqay Cabdulaahi Yuusuf iyo Cali Maxamed Geedi 

W/D Amiin Yuusuf khasaaro
E-Mail amiinkhasaaro@hotmail.com

Iyadoo Maamul Goboleed Puntland ay booqasho ku joogaan Madaxweynaha Dowladda Federaalka Cabdulaahi Yuusuf  Axmed iyo Raiisul Wasaare Cali Maxamed Geedi ayaa dhawaan waxaa kulan isugu yimid Madaxda Dowlada Federaalka  iyo Isimada Putland , waxaa kulankaas looga hadaley Xaalada Dalka iyo Halka ay Mareyso Dib u heshiisinta Xubnaha Dowlada  , kulankan oo qaatey Saacado ayaa Isimadii Putland waxay Dowladd ku Canaanteen sii socosho la’aanta Howlaha Dowlada  iyo isu keenida Xubnaha Dowlada

Madaxweyne Cabdulaahi oo ka Hadley kulankaas ayaa waxuu sheegay in dowladu ay hayso Dhaqaale la’aan aad u baaxad weyn  taas oo uu sheegay in ay  ragaadisey dib u heshisiinti Dowlada

 Isimadii halkaa ka hadley ayaa waxay yiraadeen “ Waxaan u maleyneyna in Booqashdiina ay tahay sidii aad gacan uga heli layhdeen shacabka Puntland  ha iska tabar yaraade “ ayey yiraahdeen Isimadaas oo Dolwladda ugu Deeqay lacag gaareysa Hal Milyan iyo Laba Boqol oo Doolar  oo ay sheegeen in ay ugu talagaleen in lagu dhaqaajiyo dib u heshiisiinta Xubnaha Dowlada  ee ku kala sugan Magaalooyinka Muqdisho iyo Jowhar waxaana lacagtaas bixiyey Beelaha ay ka soo jeedaan Isimada.

Madaxweyne Cabdulaahi Yuusuf oo ka Hadley gabagabadii kulankaas ayaa uga mahadceliyey Isimada Puntland sida xilkasnimada  leh ee ay  dusha ugu riteen  sidii loo soo afjari lahaa khilaafka Dowlada oo uu sheegey in uu keeney in caalamka uu ka sii jeesto arrimaha soomaaliya

Sidoo kale Cali Maxamed Geedi oo ka hadley kulankaas ayaa isna u mahadceliyey Isimada Puntland oo uu ku tilmaamey dad daacad ka ah isu soo dhawaanshaha xukuumadda , wuxuu sheegay in shacabka Putland ay daacad ka tahay in dowladu ay ka miro dhaliso  u jeedooyinkii loo soo dhisey  wuxuuna u soo jeediyey in ay halkaa ka sii wadaan is garab istaaga Dowlada Federaalka.

Ra’iisul Wasaare Cali Maxamed Geeddi oo  Garoowe Heshiis kula saxiixanaya Shirkad Shidaal oo….

            Wararka naga soo gaaraya maamul Goboleedka Puntland, gaar ahaan magaallada Garoowe waxay sheegayaan in Ra’iisul Wasaare Cali Maxamed Geeddi iyo Madaxweynaha Maamul Goboleedka Puntland General Cadde Muuse ay u ambabexeen magaallada Garoowe, halkaas oo la filayo in ay kulammo kula yeeshaan madaxda Maamul Goboleedka Puntland.

            Ujeeddooyinka uu Ra’iisul Wasaaruhu u tegayo magaallada Garoowe ayaa lagu sheegay in ay tahay iyadoo halkaasi uu heshiis dhinaca shidaalka ah la geli doono shirkad kuwa Shidaalka ah oo laga leeyahay waddanka Australia.

            Heshiiskan oo ka dhacaya xarunta Maamul Goboleedka Puntland ayaa waxaa horey magaallada Garoowe ugu sii sugnaa mas’uuliyiin ka socotay shirkadda Shidaalka Waddanka Australia.           Haddii uu dhaco heshiiskan ayaa waxaa soo geba-geboobaya muran in muddo ah jiitamayay oo u dhexeeyey dowladda Federal-ka iyo Maamul Goboleedka Puntland, mar ayayna gaartay in maamul Goboleedka Puntland uu Ra'iiusul Wasaare Cali Maxamed Geeddi uu ku tilmaamay inuusan wax shaqo ah ku lahayn haddii ay heshiis la galayaan Shirkad Shidaalka soo saarta iyo haddii kale.  Ra’iisul wasaare Geeddi ayaa mar la wareystay waxa uu sheegay in loo baahan yahay in maamul Goboleedyadu ay mar walba ka fiirsadaan heshiisyada ay la galayaan shirkadaha waaweyn, waayo wuxuu sheegay in ay jiraan shirkado ku shaqeeya wax is daba marin iyo khiyaanooyin.

Waftig amadaxweyne C/Laahi Yuusuf oo uu weheligo Cadde Muuse ayaa Gaarey Garoowe iyagoo boosaaso kag asoo baxay Gawaari, jidkana soo maray iyadoo meel kasta oo ay istaagayeen si diiran loogu soo dhoweeyey.