Jowhar 02 Jan. 06 ( Sh.M.Network)
Wasiirada dowladda FS ee ku sugan magaalada Jowhar ayaa
Ra’isulwasaare Geedi ku eedeeyay fal ay xerada Congo uga
baxeen qaar ka mid ah maleeshiyooyinkii loo tababarayay
dowladda FS.
Warar lagu kalsoon yahay oo naga soo gaaray magaalada
Jowhar ayaa waxa ay sheegayaan in maleeshiyooyin tiradoodu
gaareyso 100 ruux oo reer Hiiraan ah ay xeradaasi isaga
baxeen, iyadoo afka saaray gobolka ay ka soo jeedaan ee
Hiiraan.
Maleeshiyadaan ayaa la sheegayaa in ay ka cabanayeen
balanqaad lacageed oo Ra’isulwasaare Geedi u balan qaaday
in mushaarado uu siinayo, taasoo ay sheegeen in
ra’isulwasaaruhu oofin balantooda, iyadoo sidoo kalena la
sheegay in maleeshiyooyinka Puntland ay ku hanjabeen in ay
isaga baxayaan xerada hadii aan la siin mushaaradihii loo
balan qaaday.
Maleeshiyooyinka Reer Hiiraan ee ka baxay xerada Congo
ayaa lagu soo waramay in ay ku gacan seyreen ergo nabadeed
oo loo direy.
Gadoodka maleeshiyooyinkaan ayaa waxa ay dhalisay in
wasiirada ku sugan Jowhar ay eedeeyn u soo jeediyaan
Ra’isulwasaare Geedi, iyagoo ku eedeeyay qaabka uu ula
dhaqmay maleeshiyooyinkaan mudada dheer ku xareysnaa
xerada Congo.
Shabelle Media Network, Sh/dhexe |
Email
:
webmaster@dulmane.com