Ku-Garaadada Degaanka Buuhoodle.

Ku-Cuqaasha Degaanka Buuhoodle.

Ku-Culimaa-udiinka Degaanka Buuhoodle.

Ku-Maamulka Degmadda Buuhoodle.

Ku-Gudoonka Gobolka Ceyn.

 

Ujeedo- Codsi Sii Diinta Baabuurka Xamuulka Ah ee Halkaas Lagu Heeysto.

 

     Mudanayaasha Xurmadda iyo Sharafta Weyn leh ee Kor ku Xusan Marka Horre Iga Gudooma Salaan Wacan oo Maqaamkiina u Qalanta Iyo Tixgelin Gaar ah, Anigoo ka Duulaaya Hab Dhaqameedka Wanaagsan ee Nabadgelyada, Xasiloonida Iyo Amaan Gelin Musaafirka ee Sharaceeda Islaamku Dhigeeyso iyo Hab Dhaqmeedka Suuban ee Dadkeena Leeyahay, Xeerarka Hufan oo Dadka u Dhexeeya,Iyadoo La Ilaalinaayo Habka Socodka Gaadiidka iyo Dadka Rayidka ahba, Waan Garan Karaa in eey Jirri

Karaan Dad Wax Tabanaaya iyo Dhaliilo Jiiraba, Hadana Waxaan Marna la Qaadan Kareen in Khaladka Khalad Lagu Saxo, in Xumaan Dhacay ama Jira lagu Gudo Mid Kalle oo Xumaan ah, Iyo in Muwaadin Caadi ah Loo Afduubo, Hantidiisana Loo Qabsado Arrin ama Ficil aan Masuul ka aheyn.

  

      Anigoo Kalsooni Weyn ku Qaba Garashadda, Dareenka,Masuuliyadda Iyo Xeel Dheeridda Hogaanka Dhaqameedka, Culimaa.udiinka Iyo Waxgaradka Degaankaas Iyo Hab Dhaqameedka Milgo Gobeedka ku Saleeysan Soo Jireenka,Isla Markaana Xeerinaaya Xiriirka Dadka ka Dhexeeya iyo Ahamiyadiisa, Waxaan Soo Jeedinayaa in Sidda ugu Dhakhsa badan loo Sii Daayo Baabuurkaas Muuska Sidda iyo Dadka Wataba, Dhinaca Wanaagsan, Sharafta  leh, Dadnimo Wanaagsan ah iyadoo laga

Eegaayo Arrinta Iyo Illaalinta Xurmadda Safarka Iyo Musaafarka iyo Magaca iyo  Maqaamka Degaanka Buuhoodle Iyo Ehelkiisa Taariikhda Dheer leh, Wadaniyiinta Ku Caan Baxay Jihaadka iyo Xornimo Jaceylka, Taariikhda Somaaliyeed Bogaga Dahabka ka Qoran eey ka Dhasheen Shahiidyadii Waaweynaa, Anigoo Og Arrin Horre oo eey Sidii Ku Habooneyd u Xaliyeen Amaan Iyo Bogaadina ku Mudan Yihiin. 

 

      Waxaan ku Rajo Weynahay in Codsiganu La Kulmi Doono Aqbilaad Iyo Soo Dhoweeynta ku Haboon Hadii Alle Idmo Lana Sii Deyn doono Baabuurka iyo Dadka Wataba, Dhinaca Fiican Iyo Aragtidda Toosan Dadka reer Buuhoodle Raacaan oo Dadkan aan Wax Galin Loo Sii Daayo Hantidooda, Lana Illaaliyo Habka Wanaagsan ee Diinteena Islaamku ina Fareeyso Xurmadda Masaafurka iyo in Hantidiisaba la  Dhoowro.

 

  

-Alla Mahad Leh-

-Qorre-Xassan C/Laahi Sheekh(Xassan Carab)-

-Huddersfield-England- 17/01/2006-

-sharifhassan50@yahoo.com-

 

 

Fiiro gaar ah: Rayigan dhamaan inta uu ka koobanyahay waxaa iska leh qorayaasha soo qorey, "Dulmane Online" sinaba uugama masuul aha sida ama waxa uu qoraagu soo qorayo.